.png)
30 minutes ago
1
Flipkart: பிளிப்கார்ட்டின் பிக் பில்லியன் டேஸ் 2026 சேல், வரும் அக்டோபர் 9-ம் தேதி தொடங்கலாம் என்றும், பிளஸ் மெம்பர்களுக்கு அக்டோபர் 8-ம் தேதியே ஆரம்பமாகலாம் என்றும் தகவல் கசிந்துள்ளது.
14
Image Credit : Asianet News
பிளிப்கார்ட்டின் பிக் பில்லியன் டேஸ் சேல்
இந்தியாவின் மிகப்பெரிய ஆன்லைன் ஷாப்பிங் திருவிழாக்களில் ஒன்று, பிளிப்கார்ட்டின் பிக் பில்லியன் டேஸ் சேல். இந்த சேல் அடுத்த மாதம் தொடங்கலாம் என்று எதிர்பார்க்கப்படுகிறது. சோஷியல் மீடியாவில் கசிந்துள்ள தகவல்களின்படி, பிக் பில்லியன் டேஸ் 2026 சேல் அக்டோபர் 9-ம் தேதி தொடங்கலாம். பிளிப்கார்ட் பிளஸ் மெம்பர்கள் ஒரு நாள் முன்னதாக, அதாவது அக்டோபர் 8-ம் தேதியில் இருந்தே ஷாப்பிங் செய்ய வாய்ப்பு கிடைக்கலாம்.
ஏசியாநெட் தமிழ்-ஐ உங்கள் முதன்மைத் தேர்வாக்குங்கள்
24
Image Credit : Pinterest
அக்டோபர் 9-ல் பிக் பில்லியன் சேல்?
@X_Up_Date என்ற X (ட்விட்டர்) பயனர் ஒரு ஸ்கிரீன்ஷாட்டைப் பகிர்ந்துள்ளார். இந்த ஸ்கிரீன்ஷாட்டால் தான் சேல் தேதி குறித்த இந்த பரபரப்பு பேச்சு கிளம்பியுள்ளது. இது பிளிப்கார்ட்டின் மொபைல் ஆப்பில் இருந்து எடுக்கப்பட்டது போல் தெரிகிறது. அந்தப் படத்தில், பிக் பில்லியன் டேஸ் 2026 சேல் இந்தியாவில் அக்டோபர் 9-ம் தேதி தொடங்கும் என்று குறிப்பிடப்பட்டுள்ளது. பிளஸ் மெம்பர்களுக்கு அக்டோபர் 8-ம் தேதி முதல் 'Early Access' கிடைக்கும் என்றும் அதில் உள்ளது. ஆனால், பிளிப்கார்ட் நிறுவனம் இதுகுறித்து அதிகாரப்பூர்வமாக இன்னும் எதையும் அறிவிக்கவில்லை.
34
Image Credit : Flipkart
Axis மற்றும் ICICI வங்கி கார்டுகளுக்கு 10% தள்ளுபடியா?
கசிந்த தகவல்களின்படி, Axis வங்கி மற்றும் ICICI வங்கியின் குறிப்பிட்ட கார்டுகளைப் பயன்படுத்தி பணம் செலுத்தினால், 10% வரை உடனடி தள்ளுபடி கிடைக்க வாய்ப்புள்ளது. ஆனால், இந்த தள்ளுபடியைப் பெற குறைந்தபட்சம் எவ்வளவு ரூபாய்க்கு ஷாப்பிங் செய்ய வேண்டும், அதிகபட்சமாக எவ்வளவு தள்ளுபடி கிடைக்கும், அல்லது எந்தெந்த கார்டுகளுக்கு இந்த ஆஃபர் பொருந்தும் போன்ற விவரங்கள் இன்னும் வெளியாகவில்லை.
கடந்த ஆண்டும் ஆஃபர்கள் பட்டையைக் கிளப்பின
2025-ம் ஆண்டில், பிளிப்கார்ட்டின் பிக் பில்லியன் டேஸ் சேல் செப்டம்பர் 23-ம் தேதி தொடங்கியது. அப்போதும், பிளஸ் மற்றும் பிளாக் மெம்பர்களுக்கு 24 மணி நேரத்திற்கு முன்பே சேலை அணுகும் வாய்ப்பு வழங்கப்பட்டது. Apple, Samsung, Motorola போன்ற பிராண்டுகளின் ஸ்மார்ட்போன்கள் மட்டுமின்றி, கணினிகள், லேப்டாப்கள், தொலைக்காட்சிகள் போன்ற எலக்ட்ரானிக் பொருட்களுக்கும் பெரிய தள்ளுபடிகள் கிடைத்தன. இதனுடன், குறிப்பிட்ட நேரத்துக்கான சலுகைகள் ஸ்பெஷல் டீல்கள் மற்றும் 'Festive Rush Hours' போன்ற அதிரடி ஆஃபர்களும் இருந்தன. Axis மற்றும் ICICI வங்கி கார்டுகளுக்கு சில குறிப்பிட்ட பொருட்களில் 10 சதவீதம் வரை தள்ளுபடியும் கிடைத்தது.
44
Image Credit : Getty
பிளஸ் மற்றும் பிளாக் மெம்பர்களுக்கு ஸ்பெஷல் கவனிப்பு
கடந்த ஆண்டு, பிளிப்கார்ட் பிளஸ் மற்றும் பிளாக் மெம்பர்கள் முன்கூட்டியே ஷாப்பிங் செய்யும் வாய்ப்பை பெற்றது மட்டுமல்லாமல், அவர்களுக்குக் கூடுதல் வங்கி சலுகைகள் மற்றும் சூப்பர்காயின் ரிவார்டுகளும் வழங்கப்பட்டன. இந்த ஆண்டும், வழக்கமான வாடிக்கையாளர்களைத் தக்கவைத்துக்கொள்ள பிளிப்கார்ட் இதேபோன்ற சலுகைகளை வழங்கும் என்று எதிர்பார்க்கப்படுகிறது.
அதிகாரப்பூர்வ அறிவிப்புக்கு காத்திருக்கவும்
ஆனால் ஒரு விஷயத்தை நினைவில் கொள்ள வேண்டும். பிளிப்கார்ட் நிறுவனம் பிக் பில்லியன் டேஸ் 2026-ன் தேதி அல்லது சலுகைகள் குறித்து இதுவரை அதிகாரப்பூர்வமாக எதையும் அறிவிக்கவில்லை. எனவே, சோஷியல் மீடியாவில் பரவும் இந்தத் தகவல் மாறவும் வாய்ப்புள்ளது. சரியான தேதி, வங்கிச் சலுகைகள் மற்றும் எந்தெந்த பொருட்களுக்கு எவ்வளவு தள்ளுபடி என்பது போன்ற விவரங்களை அறிய, பிளிப்கார்ட்டின் அதிகாரப்பூர்வ அறிவிப்புக்காகக் காத்திருப்பதுதான் புத்திசாலித்தனம்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
English (US) ·